നിയമപ്രകാരം ഉള്ള മുന്നറിയിപ്പ് : മദ്യപാനം ആരോഗ്യത്തിന് ഹാനികരം.. പുകയിലയുടെ ഏതൊരു രീതിയിൽ ഉള്ള ഉപയോഗവും അർബുദത്തിന് കാരണമാകും
********************************************
അങ്ങനെ അവർ കോളജിൽ നിന്നും ഒരു one day ട്രിപ്പ്‌ അടിക്കാൻ പ്ലാൻ ചെയ്തു.. രാവിലെ 7 മണിയാവുമ്പോഴേക്കും കൊയിലാണ്ടി സ്റ്റാൻഡിൽ സാരംഗ് ഹോളിഡേയ്‌സ് ന്റെ തകർപ്പൻ ടൂറിസ്റ്റു ബസ്സ് വന്നു നിന്നു.. പ്രിന്സിപ്പൽ ഷിജിൽ സർ എല്ലാവരുടെയും പേര് വിവരങ്ങളുടെ അടിസ്ഥാനത്തിൽ ബസ്സിലേക്ക് കയറ്റി ഇരുത്തി.. അച്ചടക്കത്തിന് ഓസ്കാർ വാങ്ങാൻ പറ്റിയ ഏതാനും കുറച്ചു കുട്ടികൾ.. പ്രിൻസിയുടെ മനസ്സ് നിറഞ്ഞു.. ഏതാനും നിമിഷങ്ങൾക്കുള്ളിൽ ബസ്സ് സ്റ്റാൻഡ് വിട്ടു.. ആട്ടും പാട്ടുമായി നേരെ വയനാട്ടിലേക്ക്..
വയനാട് ചുരമാണ് ആദ്യ ഡെസ്റ്റിനേഷൻ.. ചുരത്തിലെ വ്യൂ പോയിന്റ് കാണാൻ വരി വരിയായ് ബസ്സിൽ നിന്ന് ഇറങ്ങിയ കുട്ടികൾ തിരിച്ചു ബസ്സിലേക്ക് കയറിയത് മൂന്ന് ചേരികളായിട്ടായിരുന്നു.. ചേരി ഒന്ന്, പെൺകുട്ടികൾ.. ചേരി രണ്ട്, പഠിപ്പിസ്റ്റുകൾ.. ചേരി മൂന്ന്, ഉഴപ്പന്മാർ..
ബസ്സിൽ എത്തിയതും മൂന്നാം ചേരിക്കാരെല്ലാം പോയത് ബസ്സിന്റെ ഏറ്റവും പിറകിലെ ഭാഗത്തേക്കായിരുന്നു.. പഠിപ്പികളെയും പെൺകുട്ടികളെയും മുന്നിലോട്ട് തള്ളി മാറ്റി അവർ അവിടെ സ്ഥാനം പിടിച്ചു.. ഓ സാറേ ഞങ്ങൾക്കി ബാക്ക് ബെഞ്ച് തന്നെ മതി.. കൂട്ടത്തിൽ ഒരുത്തൻ വിളിച്ചു പറഞ്ഞു..
ബസ്സ് വീണ്ടും മുന്നോട്ട് നീങ്ങി.. dvd പ്ലേയർ നിർത്താതെ പാടുന്നുണ്ടെങ്കിലും നമ്മുടെ ബാക്ക് ബെഞ്ചേഴ്‌സ് സീറ്റിൽ നിന്നും അനങ്ങുന്നതേ ഇല്ല.. എന്ത് നല്ല കുട്ടികൾ.. പ്രിൻസി ആത്മഗതം ഉരുവിട്ടു..
" ട്ടൊ "
ഒരു പാട്ട് തീർന്നു അടുത്ത പാട്ട് തുടങ്ങുന്നതിനിടയിൽ ഒരു ഗ്യാസ് ഒഴിഞ്ഞതിന്റെ ശബ്ദം പുറത്ത് വന്നു.. എല്ലാവരും പെട്ടെന്ന് ബാക്കിലോട്ട് തിരിഞ്ഞു..
ഒരു സേവനപ്പ് തൊറന്നതാ ന്റെ സാറേ..
ആരോ വിളിച്ചു പറഞ്ഞു.. അപ്പോഴേക്കും പൂക്കോട്ലേക്കിലേക്ക് ബസ്സ് എത്തിയിരുന്നു..
കുട്ടികളെ.. അടുത്തതായി നമ്മൾ കാണാൻ പോവുന്ന സ്ഥലം വയനാട്ടിലെ പൂക്കോട് ലേക്ക് ആണ്.. പ്രിൻസിയുടെ കടുത്ത സ്വരം മൈക്കിലൂടെ ബസ്സിൽ മാറ്റൊലി കൊണ്ടു.
പൂക്കോട് ലെയ്ക്.. പ്രകൃതി രമണീയമായ സ്ഥലം.. ബോട്ടിങ് കഴിഞ്ഞു സ്വല്പം വിശ്രമിക്കുക ആയിരുന്ന അവളുടെ അരികിലേക്ക് മൂന്നാം ചേരിയിൽ പെട്ട അവൻ പതിയെ നടന്നു വന്നു..
കുഞ്ഞാറ്റെ.. എനിക്ക് നിന്നോട് ഒരു കാര്യം പറഞ്ഞാൽ കൊള്ളാമെന്നുണ്ട്.. അവൻ അവളോട് അവനിൽ അത് വരെ ഇല്ലായിരുന്ന വിനയത്തോടും നാണത്തോടും വന്നു പറഞ്ഞു..
ച്ചി.. പോടാ.. കള്ള് കുടിക്കുന്നതും ചുണ്ടിൽ ഹാൻസ് തിരുകുന്നതും സിഗരറ്റ് വലിക്കുന്നതുമായ നിന്നെ പോലുള്ള ചെക്കന്മാരോട് ഒന്നും സംസാരിക്കരുത് എന്ന് ടൂറിനു വരുമ്പോൾ തന്നെ മമ്മി പറഞ്ഞു തന്നിട്ടുണ്ട്.. നിന്റെ ഒരു വർത്തമാനവും എനിക്ക് കേൾക്കണ്ട.. കാണുകയും വേണ്ട. പോ എന്റെ മുന്നിൽ നിന്ന്.. അപ്രതീക്ഷിതമായുള്ള അവളുടെ മറുപടി കേട്ടതും അവൻ സ്തംഭിച്ചു നിന്ന് പോയ്‌.. കാലുകൾ ഭൂമിയിലേക്ക് വേരുകൾ ആഴ്ത്തി ഇറങ്ങി പോയത് പോലെ അവനപ്പോൾ അനുഭവപെട്ടു.. അവൻ നോക്കി നിൽക്കെ അവനിൽ നിന്നും മുഖം പറിച്ചെറിഞ്ഞു കൊണ്ട് രണ്ടാം ചേരിയിൽ പെട്ട അതുൽ കിഷിന്റെ പെരും വിളിച്ചു അവൾ നടന്നു നീങ്ങി..
സമയം ഒച്ചിനെ പോലെ ഇഴഞ്ഞു നീങ്ങുകയായിരുന്നു.. അവന്റെ മനസ്സ് ആകെ ചഞ്ചലമായിരുന്നു.. " എട മഫാ.. " അവൻ അവന്റെ ചങ്കിനെ വിളിച്ചു.. വിളിക്കേൽക്കേണ്ട താമസം " എന്താടാ പൊട്ടാ.. " എന്നും പറഞ്ഞു കോണ്ട് അവന്റെ ചങ്ക് ഓടി അരികിൽ വന്നു.. നീ ആ സ്പ്രൈറ്റിന്റെ കുപ്പിയിൽ നിന്നും നേരത്തെ മിക്സ്‌ ചെയ്ത ആ സാദനം ഒരു പെഗ്ഗിങ് താ. ചോദിക്കേണ്ട താമസം അവൻ തന്റെ ഉറ്റ ചങ്ങാതിക്ക് ആ കുപ്പി കൈ മാറി.. mm ഇതും കൂടി കേറ്റിക്കൊ എന്നും പറഞ്ഞു ഒരുപാക് ഹാൻസും അവന്റെ കൈയ്യിൽ കൊടുത്തു..
അയ്യോ രക്ഷിക്കണേ.. പെട്ടെന്നുള്ള ശബ്ദം അവർ രണ്ടുപേരും തിരിഞ്ഞു നോക്കി.. അതാ അവിടെ പൊന്തക്കാടിനു അരികിൽ നിന്നും തന്റെ പ്രിയതമ പേടിച്ചു നിലവിളിക്കുന്നു.. അവളുടെ അരികിൽ മൂന്നാം ചേരിക്കാരൻ അതുൽ കിഷ് ജാഡ തെണ്ടി ബോധം കേട്ട് കിടക്കുന്നു.. അവനും അവന്റെ ചങ്കും അങ്ങോട്ടേക്ക് പാഞ്ഞു..
എന്താ എന്ത് പറ്റി കുഞ്ഞാറ്റെ.. അതുൽ കിഷിനെന്താ പറ്റിയെ.. അവൻ തിടുക്കപ്പെട്ട് ചോദിച്ചു..
നോക്ക് എന്റെ കാലു മുഴുവൻ.. അവൾ പേടിച്ചു കൊണ്ട് അവളുടെ കാലുകൾ അവന് നേരെ നീട്ടി.. സ്വർണ കൊലുസണിഞ്ഞ ആ വെളുത്ത കാലു മുഴുവൻ കുറച്ചു കറുത്ത പുഴുക്കൾ കടിച്ചു പിടിച്ചിരിക്കുന്നു..
അയ്യേ അട്ട.. മഫൻ കളിയാക്കി ചിരിച്ചോണ്ട് അവളെ കൊഞ്ഞനം കുത്തി..
അവളുടെ കണ്ണുകൾ ഈറനണിഞ്ഞു.. അവനെ നോക്കി തേങ്ങി കൊണ്ട് പറഞ്ഞു .. ടാ save me..
മിണ്ടാതിരി മഫ്‌ഫാ.. അവൻ ഉറച്ച ശബ്ദത്തോടെ പറഞ്ഞു.. മഫൻ പെട്ടെന്ന് സൈലന്റായ്..
അവൻ താഴെ കുത്തിയിരുന്ന് തന്റെ പ്രിയതമയുടെ കാലുകൾ പതിയെ കൈ വെള്ളയിലേക്ക് എടുത്തു വച്ചു.. അപ്പോൾ അവൾ കൈവരിയിൽ ഇരുന്ന് കൊണ്ട് അവന്റെ നീക്കങ്ങൾ കൗതുകത്തോടെ നിരീക്ഷിക്കുകയായിരുന്നു.. അവൻ അരയിൽ നിന്നും മഫൻ കൊടുത്ത കുപ്പിയെടുത്ത് അതിനകത്തെ മദ്യം തുള്ളുകളായി ഓരോ അട്ടയുടെ മുകളിലും ഒഴിക്കാൻ തുടങ്ങി.. നിമിഷങ്ങൾ കൊണ്ട് അട്ടകൾ കാലുകളിൽ നിന്നും കൊഴിഞ്ഞു വീണു.. അവൾക്ക് ആശ്വാസമായി.. അവൾ പുഞ്ചിരി പൂക്കൾ പൊഴിച്ചു.. അവൻ അവളുടെ വലതു കൈ എടുത്തു പതിയെ ചുംബിക്കാൻ നോക്കി. അവൾക്ക് നാണം വന്നു.. ആ സുന്ദരമായ കൈ എടുത്തു ചുണ്ടിനരികിലേക്ക് കൊണ്ടുപോവാൻ നേരം അവളുടെ കൈ പത്തിയിൽ അതാ ഇരിക്കുന്നു മുട്ട നൊരു അട്ട.. അയ്യേ ... അവളുടെ മുഖം വീണ്ടും ഇളിഞ്ഞു തുടങ്ങി..
അവൻ സാമ്മ്യമനം പാലിച്ചു.. കീശയിൽ കരുതിയ ഹാൻസ് പാക്കറ്റിൽ നിന്നും ഒരിത്തിരി ഹാൻസ് എടുത്തു അട്ടയുടെ നഗ്ന മേനിയിൽ അവൻ പതിയെ മസ്സാജിങ് നടത്തി... പൊള്ളി പൊളിഞ്ഞ ശരീരവും കൊണ്ട് അട്ട നിലത്തേക്ക് കൊഴിഞ്ഞു വീണു..
അവൻ അവളുടെ കണ്ണുകളിലേക്ക് നോക്കി.. അവൾ അവന്റെ കണ്ണുകളിലേക്കും..
ആ രംഗം SLR ക്യാമറയിൽ ദൂരെ നിന്നും മഫൻ ഒപ്പിയെടുത്തു..
അപ്പോഴാണ് നമ്മുടെ നായകന് അതുൽ കിഷിനെ ഓർമ വന്നത്..
അല്ല.. ഇവനെന്താ പറ്റിയെ.. അവൻ ചോദിച്ചു..
എന്റെ കാലിൽ ചോര കുടിച്ചോണ്ട് നിൽക്കണ അട്ടയെ കണ്ടതും അവന്റെ ബോധം പോയതാ.. അവൾ ചിരിച്ചോണ്ട് പറഞ്ഞു..
പെട്ടെന്ന് ഷിജിൽ സർ ( പ്രിൻസി ) ഓടി വന്നു.. എന്താ എന്ത് പറ്റി.. ഡാ അതുൽ..
" പ്രേസേന്റ് സർ "
പ്രിൻസിപ്പലിന്റെ വിളികേട്ടതും നിറയെ അട്ടകൾ നിറഞ്ഞ മുഖവുമായി അവൻ അബോധ മണ്ഡലത്തിൽ നിന്നും ബോധ മണ്ഡലത്തിലേക്ക് അറ്റൻഡൻസ് പറഞ്ഞു.. "
പിൻ കുറിപ്പ് : ചില സമയം നമ്മുടെ രക്ഷയ്ക്ക് എത്തുന്നത് സമൂഹം തെമ്മാടികൾ എന്നും കള്ളുകുടിയൻമാർ എന്നുമൊക്കെ വിളിക്കുന്ന ഇത് പോലുള്ള പാവം പയ്യന്മാരെ ആയിരിക്കും.. So ആരെയും വില കുറച്ചു കാണരുത് 😎
